𝑨𝒓𝒕 𝑺𝒕𝒖𝒅𝒊𝒐

သတို့သမီး (Part 2)  သောက်ချင်ဖွယ်ရနံ့လေးသင်းပျံ့နေသောကော်ဖီခွက်လေးကိုကြည့်ပြီး နွန်း သက်ပြင်းတစ်ချက်ချလိုက်မိသည်။  မနက် ၆ နာရီ။ နွန်းနိုးလာတော့သွင်လက်စွေးကမရှိတော့။ စားပွဲပေါ်မှာနွားနို့အနည်းငယ်ရယ်၊ နို့မပါ သကြားမပါသောပလိန်းကော်ဖီတစ်ခွက်ရယ်၊ ပေါင်မုန့်မီးကင်တစ်ချပ်ရယ်၊ ‌ကြက်ဥ half fried ကြော်ရယ်ရှိသည်။  ညကနှစ်ခြိုက်စွာလည်းအိပ်မပျော်ပါ။ သူစိမ်းအိမ်ကြီးထဲမှာတစ်ယောက်ထဲအိပ်နေရတယ်ဆိုသည့်အသိကြောင့် ကြောက်ရွံ့စိတ်ကြောင့်ပေလားမသိ။ ထို့ကြောင့်မျက်လုံးတွေကစပ်ဖျင်းဖျင်းဖြစ်နေသည်။ "သမီးလေးနိုးလာပြီလား" နောက်ကနေဝင်လာသောအသံကြောင့်နွန်းလှည့်ကြည့်လိုက်သည်။  အန်တီစိုးလို့‌သွင်လက်စွေးခေါ်ခေါ်နေသည့်အသက်၅၀ခန့်လောက်အန်တီကြီးရယ်ပါ။ ထိုအန်တီကြီးက‌သူ့ရဲ့ဆွေမျိုးလား၊အသိလား နွန်းဘာမှမသိပါ။ သွင်လက်စွေးနဲ့ပတ်သက်တာမှန်သမျှနွန်းသေချာမသိပါ။ သောထိုအမျိုးသမီးကြီးကိုတော့နွန်းကပြန်ပြုံးပြလိုက်သည်။ " ဟုတ်ကဲ့အန်တီ " "သမီးလေးအိပ်ရောပျော်ရဲ့လား မျက်နှာလေးကမို့‌နေသလိုပဲနော်" ဟင်းရွက်တချို့ကိုစားပွဲပေါ်တင်ရင်း နွန်းကိုစိုက်ကြည့်ပြီးပြောလိုက်သဖြင့်နွန်းကလည်း မလုံမလဲနှင့်ကိုယ့်မျက်နှာကိ...